Wednesday, November 25, 2020
Dr. Nina Kurnia Hikmawati, SE., MM : Ngamangpaatkeun Teknologi Digital Keur Ngamumule Budaya Sunda
Posted by
Tatarjabar.com on Wednesday, November 25, 2020
Budaya Sunda kungsi boga 300 jenis kasenian daerah, tapi tambah dieu tambah muguran, data taun 2000-an geus nunjukeun 250 jenis kasenian Sunda tumpur kari catur, tina sesa nu sakitu teh 25 jenis kasenian kiwari keur sakarat jeung 15 kasenian keur langlayeuseun/survive. Akibat dimomorekeun ku ahli warisna.
Generasi ngora kiwari memang katilikna geus arang langka anu ngamumule budaya sorangan, contona dina kasenian, geus jarang kaum milenial nu sok pirajeunan dialajar ngibing Sunda boh klasik atawa kreasi Tari Topeng, Bajidoran, Jaipongan, jsb, ari lain di Pantura mah. Padahal nu ngaranna budaya daerah teh ngabentuk karakter building Nasional, ti mimiti hal anu leutik nepi ka nu gedena, urang wajib miarana.
Nyoko kana hal eta tangtu matak pikahariwangeun. Sunda ilang budayana, padahal budaya teh ciciren bangsa, ilang budaya musnah bangsana. Kasawang lamun budaya Sunda tumpur, taya bukti gambar-gambarna acan, generasi ngora leungiteun jatidirina.
“Ku kituna sateucanna budaya Sunda tumpur kari catur, peryogi aya pendokumentasian anu daria. Sadaya unsur-unsur kabudayaan Sunda kalebet kasenianana, didata dikempelkeun laju didokumentasikeun, saterasna tiasa janten bahan panalungtikan, bahan atikan, dimekarkeun sarta dimumule, diwariskeun ka unggal generasi", kitu saur Doktor Nina Kurnia Hikmawati, SE., MM, basa tepung di Sekretariat Kongres Sunda, di Perpustakaan Aji Rosidi, Jalan Garut No. 2 Kota Bandung (27/10/2020). Harita ieu Dosen Prodi Sistem Informasi Unikom teh rengse ngaguar “Konsep Budaya Digital”, di payuneun para inohong Sunda jeung Panitia Kongres Sunda..
Cek Nina, kabeneran kiwari urang hirup dina zaman Budaya Digital, ku ayanana Revolusi 4.0 sakabeh hirup jeung kahirupan sapopena didigitalisasikeun, teu leupas tina transaksi online, transaksi ngagunakeun smartphone (hape pinter). Mimiti memeres imah, mesen jeung ngirim dahareun, nongton, jsb, kaasup mayarna bisa dibayar ku cara online tina hape.
“Tah Budaya Digitalisasi eta lamun dipatalikeun jeung Digitalisasi Budaya bisa ngaronjatkeun daya guna dina widang kabudayaan utamana dina hal ngokolakeun data budaya anu saterusna pendokumentasian. Teknolohgi informasi jeung komunikasi bisa dimangpaatkeun dina hal ngamumule kabudayaan, ari konsep digitalisasi budaya nyaeta tarekah ngadigitalisasikeun budaya nu aya di masarakat atawa di Indonesia“, kitu cek Nina.
Cara ngokolakeunana si data disiar dina bentuk database laju didokumentasikeun, disimpen, anu saterusna disebarkeun nepi bisa mere value (ajen) keur masarakat.
Kabudayaan Sunda kawadahan dina saniskara kasenian nu aya di daerah Sunda anu unggal daerah boga ciri mandirina sewang-sewangan, boh seni pintonan (sandiwara, teater, tari, musik, jsb), nu lianna bahasa/basa anu tiap wewengkon ngabogaan dialek jeung lentongna sewang-sewangan. Kitu deui sistem kasab/mata pencaharian kaasup tata cara tatanen, ingon-ingon, pamayang (nelayan). Sakabeh tatacara geus diwariskeun ku para karuhun tingggal urang ngajaga-ngariksa jeung ngamumulena. Cek Nina daria.
Karuhun geus ngajarkeun cara tatanen melak pare ngolah sawah nu make Garu atawa Wuluku anu kabuktian yen “Lanyam (wuluku kayu)” memang cocok digunakeun dina “lahan baseuh/sawah”, karuhun ge tara make gemuk orea atawa nu ngandung kimia kawas ayeuna tapi make gemuk kandang anu teu ngaruksak unsur hara, kitu deui dina cara melak pare teu padu kitu wae sabada panen langsung ceb deui dipelakan aya antarana, aya tatacarana.
“Saleresna sistem pangupa jiwa (mata pencaharian) sareng sistem ekonomi zaman kapungkur mah teu ngandelkeun artos. Tah model kitu anu kedah didokumentasikeun sareng diwanohkeun ka generasi ayeuna teh“, pokna.
Sistem elmu pangaweruh warisan karuhun ge kacida lobana kitu deui sistem organisasi kamasarakatan, jeung sistem religina (ti mimiti haul-haul adat, nadran, tawasulan, pesta laut), laju aya sistem teknologi jeung pakakas, sakabeh eta asup unsur-unsur budaya.
Tah, cek Nina, unsur-unsur budaya anu 7 ieu kudu disimpen. Tinggal model konsepna kumaha cara ngadigitalisasikeun budaya. Hal ieu jelas teu bisa digarap sosoranganan, sakuatna pamarentah atawa nyieun aplikasi, jsb, lamun teu aya nu make, taya nu mere value mah, cumah.
Jadi konsepna anu mimiti dina nyieun hiji konsep ngadigitalisasikeun budaya, cek Nina, nyaeta make konsep ABGCM: Akademik, optimalkeun kampus-kampus nu aya utamana dina kagiatan Pengabdian Masarakat, kagiatan kamasarakatan. Bisnis, di urang industri pabalatak, loba pausahaan-pausahaan BUMN, jsb, anu bisa dioptimalkeun sangkan bisa mere sumbangsih/CSR kana kagiatan budaya nu aya di daerahna. Government, pamarentah kudu care kana budaya sabab budaya nangtukeun hiji daerah, lamun saupamana di hiji daerah aya budaya nuang hasil olahan hasil eta daerah, teu meuli ti luar, alhasil kulinerna ge bakal boga ciri nu mandiri jeung payu dijua kitu deui hasil bumina kayaning hui, kacang, jsb.
Tah, cek Nina, unsur-unsur budaya anu 7 ieu kudu disimpen. Tinggal model konsepna kumaha cara ngadigitalisasikeun budaya. Hal ieu jelas teu bisa digarap sosoranganan, sakuatna pamarentah atawa nyieun aplikasi, jsb, lamun teu aya nu make, taya nu mere value mah, cumah.
Jadi konsepna anu mimiti dina nyieun hiji konsep ngadigitalisasikeun budaya, cek Nina, nyaeta make konsep ABGCM: Akademik, optimalkeun kampus-kampus nu aya utamana dina kagiatan Pengabdian Masarakat, kagiatan kamasarakatan. Bisnis, di urang industri pabalatak, loba pausahaan-pausahaan BUMN, jsb, anu bisa dioptimalkeun sangkan bisa mere sumbangsih/CSR kana kagiatan budaya nu aya di daerahna. Government, pamarentah kudu care kana budaya sabab budaya nangtukeun hiji daerah, lamun saupamana di hiji daerah aya budaya nuang hasil olahan hasil eta daerah, teu meuli ti luar, alhasil kulinerna ge bakal boga ciri nu mandiri jeung payu dijua kitu deui hasil bumina kayaning hui, kacang, jsb.
“Tah, hal eta kedah diinpokeun ka generasi ayeuna, tiasa nganggo medsos, media komunikasi, ngaliwatan market place, upload, download, oge nganggo branding jalmi, tah ieu sakedahna janten strategi pamarentah, kawajiban pamarentah. Sabab hal ieu nangtukeun ekonomi karayatan, nangtukeun palaku industri rumahan, nangtukeun strategi kumaha carana sangkan rayatna bagja, raharja, jeung tingkat ekonomina undak, carana optimalkeun budaya dina sistem ekonomina, budayana, dina hasil pencaharian hasil leuweungna, kumaha carana sangkan hasil pepelakanana dikonsumsi ku nyalira, budaya nuang comro, nuang opak, budaya magawe (ngawuluku) di sawah, kapanan kiwari mah jalma geus sarangeukeun ka sawah, hoyongna ngojeg, ngagreb, lamun teu sakola nya nyiar gawe ka dayeuh padahal eta budayakeun, optimalkeun ngolah sawah urang, tanah urang, di lembur mah cai cur cor di pancuran, lauk emas pating soloyong dina balong, hayam rendang, sagala aya moal dugi kalaparan, margi alam tos nyayogikeun sagalana nu sampurna titipan Nu Maha Sampura Alloh SWT", cek Nina Tandes.
Community oge kudu care kana komunitas budaya pecinta lingkungan, bahasa, kuliner, pecinta adat budaya.
Media kacida pentingna dina nyambunglayangkeun, miralkeun. Hiji dokumen teh diupload-download -dipublish di media komunikasi WhatsApp, Line, Telegram, jsb, katut medsos bisa make FB (Facebook), IG (Instagram), YouTube, oge lian ti teknologi, poto, scan, jsb, urang bisa manggihan teknologi anu kiwari keur in happening saperti virtual reality anu saolah urang bisa ningali kalayan jelas jiga nyata.
Urang ge ngantep kana mekarna tatandingan-tatandingan budaya barudak IT nyieun aplikasi film, laju jalma bisa upload-download mangrupa hiji marketplace, kawas mall eusina saniskara budaya urang. Laju jalma-jalma lianna bisa berselancar di dinya, bisa ngirim carita/dongeng, atawa blog masarakat anu bisa ngadigitalisasikeun budayana. Budaya Sunda tangtuna. Kitu cek Doktor Nina.
***
Media kacida pentingna dina nyambunglayangkeun, miralkeun. Hiji dokumen teh diupload-download -dipublish di media komunikasi WhatsApp, Line, Telegram, jsb, katut medsos bisa make FB (Facebook), IG (Instagram), YouTube, oge lian ti teknologi, poto, scan, jsb, urang bisa manggihan teknologi anu kiwari keur in happening saperti virtual reality anu saolah urang bisa ningali kalayan jelas jiga nyata.
Urang ge ngantep kana mekarna tatandingan-tatandingan budaya barudak IT nyieun aplikasi film, laju jalma bisa upload-download mangrupa hiji marketplace, kawas mall eusina saniskara budaya urang. Laju jalma-jalma lianna bisa berselancar di dinya, bisa ngirim carita/dongeng, atawa blog masarakat anu bisa ngadigitalisasikeun budayana. Budaya Sunda tangtuna. Kitu cek Doktor Nina.
***
Nina lahir di Majalengka, 4 Maret 1969. Pendidikan Terakhir S3 Doktor Ilmu Manajemen FEB Unpad, S2 na (Magister Manajemen) lulusan Institut Manajemen Telkom (UTelkom, 2009-2011) jeung Sarjana Ekonomi Jurusan Akuntansi Fakultas Ekonomi Unisba (1987-1992).
Lian ti ngadosenan, Nina ge kawentar salaku aktivis dina kagiatan sosial, di kampusna (Unikom) Nina Wakil Sekjen I Bidang Eksternal Asosiasi pendidikan Tinggi Informatika dan Komputer. Nina ge jadi Komisaris & Founder di sababaraha Pausahaan jeung Yayasan jeung Tim Implementasi, Rekomendasi di sababaraha Kementerian jeung Proyek di Industri. Nina oge care kana Nasional Character Building, kitu oge ka kaum wanoja, sabab cek pangrasana nya kaum wanoja anu nangtukeun cara berbudaya, tatacara barang tuang, ngatik ngadidik budak, jadi ku hadena wanoja budaya ge beres roes, kitu deui nagara, pendidikan katut ahlakna bakal beres.
Hadirna Nina di Sekretariat Kongres Sunda Jalan Garut harita lantaran kapeto jadi Sekretaris (Girang Serat) Kongres Sunda. Riweuh-riweuh oge disanggupan cenah ge da boga konsep hirup, Filsafat Elmu- kudu nyiar elmu pangaweruh anu saloba-lobana laju diamalkeun mangpaatna. Urang beunghar ku elmu pangaweruh tapi cumah lamun teu diamalkeun mah, tapi kudu rohmatan lil allamien.
Palsapah hirupna, urang kudu boga hubungan nu hade jeung sasama manusa katut AllohNa.
“Tah nya di dieu urang milih konsep teh. Janten naon wae nu ngandung ajen positip sareng nimbulkeun dampak anu hade, pasti abdi ngiring ngabantos kalayan lilahi ta’ala, tanpa karana, margi salami ieu abdi ge sok masihan sumbangsih dina atikan sapertos orasi ilmiah, seminar, sjb, mangga uningaan wae saneskanten kagiatan abdi dina Facebook, IG (Instagram), Twitter: ninakaha/Nina Kurnia Himawati", pokna mungkas wangkongan. (Asep GP)***
Hadirna Nina di Sekretariat Kongres Sunda Jalan Garut harita lantaran kapeto jadi Sekretaris (Girang Serat) Kongres Sunda. Riweuh-riweuh oge disanggupan cenah ge da boga konsep hirup, Filsafat Elmu- kudu nyiar elmu pangaweruh anu saloba-lobana laju diamalkeun mangpaatna. Urang beunghar ku elmu pangaweruh tapi cumah lamun teu diamalkeun mah, tapi kudu rohmatan lil allamien.
Palsapah hirupna, urang kudu boga hubungan nu hade jeung sasama manusa katut AllohNa.
“Tah nya di dieu urang milih konsep teh. Janten naon wae nu ngandung ajen positip sareng nimbulkeun dampak anu hade, pasti abdi ngiring ngabantos kalayan lilahi ta’ala, tanpa karana, margi salami ieu abdi ge sok masihan sumbangsih dina atikan sapertos orasi ilmiah, seminar, sjb, mangga uningaan wae saneskanten kagiatan abdi dina Facebook, IG (Instagram), Twitter: ninakaha/Nina Kurnia Himawati", pokna mungkas wangkongan. (Asep GP)***
Subscribe to:
Post Comments
(
Atom
)
No comments :
Post a Comment